愛。筆記簿

上星期六同 @scottchung 喺文華Mosaic食午飯, 佢啱啱從HK回來. 我哋兩夫婦就當佢係速遞員, 老婆托佢帶咗D禮物畀我.

原來老婆送咗本筆記簿畀我, 但係就非常personalised有我個寶號XDD......超愛....多謝老婆

Nikon V1與手動鏡 - Pentax 25mm f/1.4

其實我鐘意玩無反機無非係鐘意玩手動鏡. 買咗超值V1後在苦等那支18.5mm f/1.8定焦之際, 手痕喺eBay買了兩個接環, 分別係C同LM接環.

LM接環還未寄到但C接環上星期以到, 即時試玩後非常激氣因為Nikon唔知做咩當用手動鏡是完全冇自動測光要靠手動曝光很煩.

漸漸我又發全手動都好玩, 要自己學會觀察現場環鏡測光調快門, 雖然慢D不過拍出效果唔錯.

試拍#1

試拍#2

一年後入手Nikon 1 V1

一年多前當Nikon話要出無反機時我身為Nikon用家多年係有一定期望, 不過後來出咗黎後原來部Nikon 1係用CX sensor時我真係好失望.

而且賣價仲要係與NEX等APSC無反看齊我到宜家都認為Nikon行錯咗. 最近隨着Nikon 1新型號即將推出及EOS M的壓境, Nikon就以超開心價傾銷清倉拋售.

平心而論Nikon 1兩部機J1與V1在外型設計上我認為係靚仔, 我很喜歡不過當時初出完全冇興趣只因售價以及感光元細之故

但現在Nikon以開心價拋售V1我就真係畀佢"美色" 迷到忍唔住入咗部V1 + 10-30 套裝鏡, 價錢就比買一部底階point and shoot差唔多, 都真係開心價. (說實呢期真係好窮要變賣家檔來買的). Nikon其實亦不笨連FT1轉接環亦一同特價以便用家接上F接環鏡頭博下可以induced sales, 叻...要贊.

其實買果時純粹貪V1靚仔( 新的V2好醜怪) 對佢攝影功能冇太多期望只把他與Q仔一齊納入玩具機做收藏同把玩. 不過玩了兩三星期後我開始發現之前有D早期評論文對Nikon 1的贊美其實有D跟據都唔係完全係膳告. 由其Steve Huff畀嘅評語都有大半係啱, Nikon都真係畀咗心機去做Nikon 1, 而且將佢與其他EVIL比又真係有D唔公平.

我睇法係, Nikon真係想用Nikon 1打出一個新的無反category不過時也命也, 佢如果在M43或Sony NEX成氣候之前推出仲有希望但宜家大局以定比較kick手. 況且Nikon太有自信了將Nikon 1定價太高所以一開買就輸咗個initial momentum.

Nikon 1係好機一部但只係生不逢時, 時不利兮追不逝, Nikon Nikon 莫奈何........發完噏風......講完

Lytro DIY皮套

話說上月太太送了部Lytro畀我做生日禮物，說真這相機的造工是非常好可與蘋果產品匹比。但通常這麼美的工業產品都好易刮花，不過Lytro的套卻難求而且不想買現有的，想做一個獨一無二的來保護這真貴禮物。因此把以封塵的皮革工具拿了出來自己動手做。

用植柔皮自己染色並用上了鑞的麻線逢製了一個我獨有的Lytro皮套。粗製濫做XDD

Moleskine Words Workshop @ Kinokuniya KLCC.....我的觀點

自從五年前的某日搭上了Moleskine呢個品牌後就一直鐘情到今時今日， 而太太亦是標準Moleskine迷。所以上星期初她得知Moleskine喺KLCC伊紀國屋(Kinokuniya)有個Workshop時， 就"強烈"要求要參加上星期六的名為Moleskine Words的活動。

要參加不難只要在伊紀國屋購買任何Moleskine產品就可參加這workshop. 這workshop是要參加者利用會場提供的印章， 在一本免費派發的Moleskine Cashier筆記簿上創作一個故事。 故事主題係隨你喜歡， 創作完的昨品會被展覽而你亦會免費得到另一本cashier記事簿。

其實這是個對Moleskine迷來說是極之重要的一個活動， 但可能宣傳問題或KL的Moleskine迷人數不多所以場面比我想像中冷清， 看了心酸。

在場的Moleskine工作人員雖然好親切好熱心。 但明顯哋在我參加workshop時的觀察，是product knowledge訓練不足或可說是不懂這品牌是甚麼。 要知到Moleskine賣的不是純粹筆記簿而是生活品味講得俗D就係要chok.

但我眼所見， 他們並冇對一些好奇來看的顧客sell這品牌背後的故事(是這品牌的最有價值selling point). 只是草草說了活動詳情然後話係賣筆記簿。我的天啊這是災難啊， 當然有客人說"so expensive"是意了中事。

用這筆記簿的, 一係就真係喜歡他的品質及分門別類的各樣專門用筆記簿， 再唔係就係好似我呢D扮嘢死要chok, 如果唔係貪佢chok使乜畀咁多錢買佢喎。

Moleskine各位同事睇得明我呢篇半鹹淡廣東口語blog的話，這小小意見當係送嘅。。。XD

講完。

非常驚喜....光場相機Lytro

話說太太這週末回來度假，回來前她說了會帶神秘禮物送我，原來太太買了個第一部consumer用光場相機畀我做生日禮物，我超感動又興奮結果星期六凌晨接了太太後玩這新玩具玩到天光XDD.

光場相機[light field camera]係尖端科技與我們一般用的電子相機完全不同，小弟文筆唔好唔想亂寫誤導大家。想知到這光場相機的技術，可去以下網站查看或看看Lytro的Director of Photography的訪問:

Lytro 官網

對我而言這部相機除了是新玩具。亦系要全新發掘的科技產品，嘗試摸索如何可exploit佢的refocus功能做一些有趣有創意的攝影。但看了上面Lytro Eric Cheng的訪問，都明白到將會有更多有趣玩法會漸漸更新，非常期待。

Lytro所拍的照片

Yayoi Kusama x Louis Vuitton

Tomatoes and sausages

Apple salad

Salt and peper

傳統筆記簿與電子雲端結合: Moleskine x Evernote

很多很多年前在碩士班課堂上上了一堂叫convergence的課，對我這非商科出身的老粗當時一知半解。但最近看了Moleskine的新搞作後茅"廁"噸開XDD.

我所指的是Moleskine與Evernote合作的筆記簿Smart Notebook, 有幾smart就見人見智。説穿了是張你寫了的筆記圖案之類用Evernote手機app拍下然後上存到Evernote作雲端處存，筆記簿附送一些小貼紙有特定icon當Evernote app從照片中識別到這些icon就會把筆記上載後分類。

其實這種將手寫筆記電子化的技術以被日本人兩年前率先玩了並且在日本百花齊放當中推出日本以外的有ShotNote以及Kokuyo的CamiApp等。而CamiApp其實比Moleskine x Evernote這更先進, 能將整篇筆記拉直, 並且憑一些特定用家自塗的barcode, 能把筆記分類上傳到Evernote或Dropbox.

上月我生日太佐貼心哋送了本Moleskine x Evenote Smart Notebook畀我、裡面還附有3個月的Evernote Premium Account。

Smena 8M 鏡 X NEX 5N - 暴力改裝篇

玩老鏡配無反相機以有一段時間，從第一部無反Olympus EP1開始就樂於玩老鏡不睠。但最近對玩一些現成買到的手動鏡以經冇咗之前咁有興趣但一些神級改鏡大師的作品又買不起。最近在Mobile01爬文發現了Jackslai大大的文 ，他的改鏡技術出神入化看到我如癡如醉。 幾乎爬了他所發表的所有文章但可惜有很多篇圖以不在。

爬咗咁多文自己亦手痕想試下改鏡但望望自己dry box裡選擇吾多，咁啱有兩部Lomo Smena 8M喺度而亦不是甚麼貴價相機就算失手不可惜。Smena 8M是前蘇聯時期大量生產的廉價相機，現係好多Lomo玩家的喜愛analogue相機之一。全手動，估惻對焦鏡方面係40 mm, f/4, 3 elements鏡組合，而機身係全塑膠做。機身主要是film carriage同一個簡彈的觀景器，hotshoe亦是冇contact的要從快門處接縛sync cable才能啓動閃登。

 Smena 8M 的正面

 打開後蓋後是簡單的film carriage

把中間上下的兩夥螺絲鬆開就可把鏡頭與機身分開

鏡頭與機身分開後清楚見到快門的mechanism

由於是打算要將這支鏡配上NEX用而NEX的所以這快門部份係要拆除

將最頂層的快門部件拆去後就可看見三塊快門葉，其實後來先唸通原來不用再拆下去只要將快門葉攞走即可其他嘢可保留。但拆得興起我最後是將成枝鏡支解咗XDD

被暴力支解了的鏡頭慘不忍睹

將多餘部件拆晒後(再強調吾拆都得)從新裝番枝鏡

其實在網上我搵吾到關於Smena 8M的法朗距離資料所以就求其用個L39-NEX接環試下，試後發覺是可以用

 但未接合L39-NEX接環時先要解決這些凸出的部分

 用磨刀石將凸出部分磨平

用膠紙將鏡與接環黏好

完成但不能做到無限遠對焦

 Test Shot #1

 Test Shot #2

 Test Shot #3

 Test Shot #4